පින්ක් චිත්‍රපටය හා කාන්තාව.................

පින්ක් යනු අනුරුද්ධ රෝයි චෞද්‍රි විසින් 2016 වර්ෂයේදී ප්‍රේක්ෂක අභිමුඛ තබන ලද සිනමා සිත්තමකි. මෙම සිනමා සිත්තම දැඩි සමාජ විවරණයක් සහිතව ඉදිරිපත් කොට ඇති විශිෂ්ට නිර්මාණයකි. විශේෂයෙන්ම පුරුෂාධිපත්‍ය සහිත සමාජයක් තුළ කාන්තාවට හිමි විය යුතු සම අයිතිවාසිකම් පිළිබඳව මෙම නිර්මාණය තුළ ප්‍රබලව දැකගත හැකිය. මෙම චිත්‍රපටය තුළ කේන්ද්‍රගත වන්නේ උසාවියක්, නඩුවක් හා නීතිමය ප්‍රශ්න කිහිපයක් වටාය.

දිල්ලියේ සැපපහසු වටපිටාවක කුලී නවාතැනක සිටින, රැකියාවල නිරත, නිදහස් තරුණ ගැහැණුන් තිදෙනෙකු හා කුහකත්වයෙන් හා ආත්මාර්ථයෙන් යුත් පිරිමි කිහිප දෙනෙකුත් තමන්ගේ සමාජ ක්‍රමය නිසා පත්වන අවසානාවන්ත තත්ත්වයත්, බුද්ධියත්, මනුෂ්‍යත්වයත්, නීතියත් නිසා කන පිට පෙරෙළෙන එසේ සමාජය වෙනස් විය යුතුයි යන්න පෙන්නුම් කරන සිනමා පටයක් ලෙස ‘පින්ක්’ හඳුනාගත හැකිය. කාන්තාවක් ලෙස  සමාජය තුලදී පුරුෂයා මෙන් නොව කාන්තාවට වරදිකාරියක් කිරීම පහසු බව මෙමඟින් පෙන්වා දී ඇත. කාන්තාවකගේ ගමන බිමන ඇයගේ ඇදුම පැළදුම කෑම බීම ඇය වැරදිකාරියක් කිරීම සඳහා හේතු වන බව මෙම සිනමා සිත්තම තුළින් පිළිබිඹු කරයි. කාන්තාවත් ලෙස රාමුගත වූ ජීවිතයකට හිමකම් කියන්නාවූ සමාජ ක්‍රමයක් තුළ ඇය එම සීමාවන් අතික්‍රමණය කිරීම හේතුවෙන් කෙතරම් ගැටලු සිදුවේද යන්න පිළිබඳව ඉතා විචාරත්මක ඇසකින් මෙන්ම කාන්තා දෘෂ්ටි කෝණයකට අනුව නිර්මාණය වී ඇත.

පින්ක් යන වචනාර්ථයෙන්ම එහි ගැබ්ව ඇත්තේ කාන්තාව යන්නයි. උපතේ දීම කාන්තාව සඳහා නියම කරන ලද වර්ණය වන්නේ රෝස වර්ණයයි. එසේම එම වර්ණය හා කාන්තාව හා සමඟ විශාල සම්බන්ධතාවක් පවතී. උපතේදී ගැහැණු දරුවෙකු ඉපදුන හොත් රෝස පැහැයත් පිරිමි දරුවෙක් ඉපදුන හොත් නිල් පැහැයත් තීරණය වීම සම්ප්‍රදායික පිළිගැනීමයි. මෙම චිත්‍රපටය කේන්ද්‍රගත වන්නේ කාන්තාවන් තුන් දෙනෙකු වටා සිදුවන්නාවූ සිද්ධි දාමයකි. කාන්තාවක් වශයෙන් සමාජ ක්‍රමය තුළ අසරණභාවයට පත්වීම පිළිබඳව එහිදී වැඩි වශයෙන් සාකච්ඡාවට බඳුන් කරයි.

පින්ක් තුළ ඉස්මතු කර පෙන්වන්නේ නූතනත්වය සමඟ කාන්තාවගේ වෙනස්වීම් හේතුවෙන් මතුවන්නා වූ ගැටලු කිහිපයක් පිළිබඳවයි. එහිදී ඇයට අවශ්‍ය ආකාරයෙන් ඇදුම ඇඳීම, ගමන් බිමන් යාම මෙහි රාමුගතවීමක් සිදුව ඇති ආකාරය හඳුනාගත හැකිය. ෆ්ලැට් එකක් තුළ නිදහසේ ජීවත්වන තරුණ ගැහැණු ළමුන් තුන් දෙනෙකු හා සල්ලිකාර පිරිමි ළමුන් තිදෙනෙකු වටා ගෙතී ඇත. මෙම තරුණ ගැහැණු ළමුන් තුළ ඇති සම්බන්ධතා විවිධ වන අතර ඇතැම් විට සමාජ අසම්මතයන් ලෙසද කෙනෙකුට දැකිය හැකිය. මෙහිදී

-           මිනල්

-           ෆලක්

-           ඇන්ඩ්‍රියා  යන චරිත තුන හදුනාගත හැකිය.

මෙහි දී ෆ්ලැට් එකෙහි නිදහසේ ගත කරන තරුණියන් තිදෙනා රාත්‍රියෙහිදී පාටියක් සඳහා සම්බන්ධ වන අතර එහිදී අඳුරගනු ලැබූ පිරිමි ළමුන් තිදෙනෙක් සමඟ ඔවුන් සමඟ හෝටලයකට යන අතර ඔවුන් සමඟ මත් ද්‍රව්‍ය භාවිතා කරමින් සතුටින් කාලයගත කරනවා. එහිදී එම තරුණ පිරිස විසින් එම තරුණියන් අතපත ගෑමද සිඳුකරයි. මේ අතර එක් එක් තරුණයන් එක් එක් තරුණිය සමඟ විවිධ කාර්යයන් සඳහා එම කාමරයෙන් පිටතට පැමිණෙන අතර මිනල් නම් තරුණිය සමඟ එක් තරුණයෙකු එම කාමරය තුළ තනිවේ. එම තරුණයාද දේශපාලන වශයෙන් ශක්තිමත් පියෙකුගේ පුතෙකි.එම නිසා ඔහු මුදල් අතින්ද ඉතා ඉහළින් සිටී. මෙහිදී මිනල් සමඟ ලිංගිකව එක් වීමට උත්සාහ කරන අතර ඇය එය ප්‍රතික්ෂේප කරනවා. නමුත් ඔහු ඇයට දිගින් දිගටම ලිංගික කාර්යය සඳහා පොළඹවා ගැනීම සඳහා කටයුතු කරනවා. එම ප්‍රතික්ෂේප කිරීම ගැන තැකීමක් නොකර  ඇය සමඟ සිටීමට උත්සාහ කිරීම හේතුකොට ගෙන ඔහුගෙන් මිදීම සඳහා අතට අසුවන බෝතගයෙන් ඔහුගේ ඔලුවට ගහනවා. එම සිදුවීමත් සමඟ තරුණියන් තිදෙනා එම ස්ථානයෙන් පැන ටැක්සියකින් තමා සිටින ෆ්ලැට් එකට නැවත එනවා. මෙම සිදුවීම් පෙළ ආරම්භයේදී නොවන අතර කිසිවෙකුටත් සිතාගත නොහැකි ස්ථානයකින් කතාව ආරම්භවේ.

සිතාගත නොහැකි ආකාරයට ඔලුවෙන් ලේ වහනය වන එක් තරුණයෙකු කාරයෙහි නංවාගෙන ඔහුගේ යාලුවන් කිහිපදෙනෙකු රෝහල වෙත යයි. එම ස්ථානයෙන් කතාව ගලා යාම ආරම්භ කරයි. එතැන් පටන් ආරම්භ කරන කතාව තුළ ඇත්තේ අනෙක් ප්‍රස්තුතයන් සම්බන්ධ කර කතාව ඉදිරියට ගෙන යයි. ඉන්පසුව තරුණ ගැහැණු ළමුන් තිදෙනාව පෙන්නුම් කරන අතර ඔවුන්ගේ බිය මුසු මුහුණු කිහිපය තුළින් යම්කිසි ගැටලුවකට මුහුණ පා ඇති බව කියාපායි. ප්‍රේක්ෂකයාද මෙසේ වීම සඳහා හේතු සොයයි.

මෙම සිදුවීම් සමුදායත් සමඟම මෙම තරුණ පිරිස මෙම කානතාවන් පසු පස පන්නමින් තර්ජනය සිදු කරනවා. එහිදී ඔවුන් විසින් විදින්නාවූ වේදනාවන් සිනමා සිත්තම තුළ මනාවට නිර්මාණය කොට ඇත. කාන්තාවක් ලෙස සමාජය තුළ මුහුණ දිය නොහැකි ආකාරයට ඔවුන්ට මෙම සිදුවීමත් සමඟ මුහුණ දීමට සිදුවෙනවා. ෆලක් සේවය කරනු ලැබූ ස්ථානයෙන් ඇයට ඉවත් වීමට සිදුවනවා. ඒ සඳහා හේතු වූයේ ඇයගේ නිරුවත් වූ ඡායාරූපයක් එම තරුණ කණ්ඩායම විසින් එම ආයතනයෙහි ප්‍රධානියා අතට පත් කිරීමත් සමඟයි. එහිදී ඇය සමාජ මාධ්‍ය තුළ ඇයගේ එම ඡායාරූපය පළ කරමින් ඇයට බලපෑම් සිදුකරන ලදි. එහිදී ඇයට ආයතනයෙන් ඉවත්වී යන ලෙස ආයතන ප්‍රධානියා විසින් පවසයි. එහිදී ඇයට ආයතනයෙන් ඉවත්ව යාමට තරම් විශාල තර්ජනය ඔවුන් විසින් සිදු කරන ඇත. ඇය දෙස ආයතනයෙහි අනෙක් පිරිමින් ඇය දෙස ඔරොප්පු බැල්මක් හෙලන ලද්දේ ඔවුන්ගේම එකෙකු මෙය සිදුකළ බව නොදැන විය හැකිය. ඇය නිර්දෝෂී වුවත් ඇයට තමාගේ නිර්දෝෂී භාවය ඔප්පු කිරීමට තරම් සාධක නොමැති විය. ඇයට එම ආයතනයෙන් ඉවත්වීමට සිදුවිය.

ඇයට මෙම කරදර පිළිබඳව පැමිණීලි කිරීමට පොලිසියට ගිය විට පවසා සිටියේ  එය ගණන්ගත යුත්තක් නොවන බවයි. එදින ඇය මත්වි්‍ය ගෙන ඇති බවත්ය. දේශපාලනයෙහි ඇති ශක්තිය හේතුකොට ගෙන ඇය විසින් ගෙනෙන ලද පැමිණීල්ල භාර නොගනී. ඔහු ඇයගේ පැමිණිල්ල සටහන් කර නොගත් අතර ඒ වෙනුවට ඇයට පවසන්නේ ඇය ආරක්ෂිත බවත් එය එතරම් ගණන්ගත යුත්තක් නොවන බවත් පවසයි. ඉන් පසුව ඇය ඇය සේවය කරන ස්ථානයෙහි ප්‍රධානී තුමිය සමඟ වෙනත් පොලිස් නිළධාරියෙකුගේ උපදෙස් පතයි. මිනල් උදෑසන ව්‍යායාම කරමින් සිටින විට ඇයව තරුණයන් පිරිස විසින් පැහැරගෙන යන අතර ඇයට කාන්තාවක් ලෙස එම අවස්ථාව තුළ නැඟී සිටීමට නොහැකිවෙනවා. ඔවුන් ඇයට කරදර කරන අතර ඇය නැවත ෆ්ලැට් එක අසලින් දමායයි. මෙම සිදුවීමෙන් පසුව විශාල වශයෙන් මෙම තරුණීයන්ට කරදර විඳීමට සිදුවිය.

මේ අතරතුර කාලයේදී ඇයව අත් අඩංගුවට ගැනීම සඳහා පොලිසියෙන් ෆ්ලැට් එකට පැමිණෙයි.  එහිදී වටපිට සිටින්නවූ පිරිස ද ඔවුන් දෙස බලනා ආකාරයත් කාන්තාවක් ලෙස වරදක් සිදුවුවහොත් එය විශාල කොට සලකන සමාජ ක්‍රමයක් තුළ කාන්තාවට ඇඟිලි දිගු වන්නට යන්නේ ඉතා කෙටි වේලාවකි. මේ ආකාරයෙන් කාන්තාවක් ලෙස විශාල වශයෙන් කරදර විදීමට සිදුවිය. ඒ අතර ඔවුන්ගේ උදව්ව සඳහා කිසිවෙකු නොමැතිව අසරණ වන අතර එහිදී උදව්වට පැමිණෙන්නේ පැන්ෂන් ගිය නීතිඥවරයෙකි. ඔහු එම නඩුව තුළ ඉතා දක්ෂ ලෙස මෙහෙයවන අතර එම කාන්තාවන් විශාල වශයෙන් නීතිය ඉදිරියෙහි දී අසරණ වනවා. මේ ආකාරයට කතාව දිව යන අතර නීතිඥවරයාගේ දැඩි තර්ක හමුවේ නඩුව ජය ගත හැකිවෙනවා. මෙහිදී අධ්‍යක්ෂකවරයා එක් ස්ථානයකට ගෙන ඒමට උත්සාහ කරයි. ඒ අනුව කන්‍යාවක්වේවා, ගණිකාවක්වේවා, කුඩා ගැහැණු ළමයෙකුවේවා, පෙම්වතිය වේවා තැන තත්ත්වය, චරිතය, වෙනස්කමකින් තොරව එපා කීමේ අයිතිය හිමි බවයි.

එපා කියන්නේ එපා. ඒකට තවත් තේරුම් නෑ

ධනය බලය හමුවේ කාන්තාවට නීතියෙහි සාධාරණත්වයක් ලබා දීමට මෙම නීතිඥවරයා සමත් වෙනවා.

කාන්තාවක් ලෙස සමාජය ඉදිරියෙහි ඇදුම, පැළදුම, යන එන ස්ථානය යන්න හේතුවක් නොවන අතර කාන්තාවට තම අයිතීන් හිමිවිය යුතු බවත් අපරාධවලින්, අවනීතියෙන්, කුහකකමින් පිරි සමාජයක් තුළ කාන්තාව ද සාධාරණත්වය ඉටුවිය යුතු බව පසක් කර දීමට පින්ක් හරහා නව පියවරක් තැබීමක් ලෙස හදුනාගත හැකිය.

මෙය කාන්තාවක් වශයෙන් මානසික, සාමාජීය, සංස්කෘතිකමය වශයෙන් ඇයට ඇති බාධාවන් පු`ඵල්ව සමාජයට විවරණ කරයි. සමාජ ක්‍රමය වෙනස්විය යුතු බවත් කාන්තාවන්ට කාන්තාවන් ලෙස නිදහසේ කටයුතු කිරීමට අවස්ථාවක් හිමි බවත් කාන්තාවක් වීමම තම වරප්‍රසාදයන් අහිමි වීමට හේතුවක් නොවන බවත් මෙම සිනමා පටය තුළින් සමාජයට ගෙන එයි. පුරුෂයෙකු වීමම සමාජයෙහි වැඩි වරප්‍රසාද හිමි කරගැනීමට හේතුවක් නෙවන බවත්, මුදල බලය තුළින් තම පුරුෂ ශක්තිය පෙන්වීමම පුරුෂයෙකු වීමට හේතුවක් නොවේ. පුරුෂයෙකු වීමම කාන්තාවන්ට හිංසා පීඩා කිරීම සඳහා එකම හස්ත ලෙස නොවිය යුතුය. පටු අදහස් වලින් යුත් ආත්මාර්ථකාමී සමාජ ක්‍රමයක් තුළ කාන්තාවට එල්ලවන චෝදනාවන්හි බරපතල සමාජ තත්ත්වයන් මනාවට නිරූපණය කර ඇත.

ලංකාවටත් ඉන්දියාවටත් පොදු කරුණක් මෙම කතාව තුළ දිවයයි. එනම් කාන්තාවක් අතින් වරදක් වූ පසු ඇය සමාජය තුළ වෙන් කොට වෙනම ප්‍රතිරූපයක් ගොඩනැඟීමට උත්සාහ කරයි. මෙම කතාව තුළද දිවයන ප්‍රධෘන ධාරාව වන්නේ ද මෙයයි. කාන්තාවක් වූ පමණින්ම ඇය සමාජයෙන් කොන් කළ යුතුද? ඇයට තම කටයුතු ස්වාධීනව, ස්වකැමැත්තට අනුව සිදු කළ නොහැකිද යන්න මෙම චිත්‍රපට හරහා ප්‍රේක්ෂක මනසට සන්නිවේදනය කරයි. කාන්තාවක් වීම ඇයගේ සියලු නිදහසට සීමාවක් කිරීමට තරම් හේතුවක් වන්නේද යන්න ද මෙහිදී පැනනගින ගැටලුවකි. ලෝකය ඉදිරියෙහි කාන්තාවක් වීම නිසා නින්දා අපහාස ආදී සියල්ල විද දරා ගනිමින් අවසන කානත්ාවගේ අපිතිවාසිකම් ආරක්ෂා කිරීම සිදු කළ යුතුයි.අපරාදවේදයට  නීතියට ඉහළින් මිනිසත්කම තබා අද දවස වන විට ශ්‍රී ලංකාව ඉන්දියාව වැනි රටවල, සැබෑවටම විසඳිය යුතු මානුෂීය ප්‍රශ්නයක් පිළිබඳ විශිෂ්ට ආකාරයෙන් පින්ක් නමැති සිනමා කෘතියක හරහා ගොඩනැගීමට අනුරුද්ධ රෝයි නැමැති කලාකරුවා නිර්භීතව ඇත.

රාධිකා දිසානායක

Reckitt Benkiser සමාගම...........

මින්සුන්ට හොඳ සෞඛ්‍ය තත්ත්වයක් හා හොඳ ජීවිතයක් උදා කිරීම....

ලෝ ප්‍රකට සමාගමක් ලෙස Reckitt Benkiser හදුන්වා දිය හැකිය . මෙය ආරම්භ වී ඇත්තේ 1823 දී ය. මෙම ආයතනය තුළ ව්‍යවසායකයින් 37000ක් පමණ සේවයේ නියුක්තව ඇති අතර, “මින්සුන්ට හොඳ සෞඛ්‍ය තත්ත්වයක් හා හොඳ ජීවිතයක් උදා කිරීමයි, මෙම ආයතනයෙහි දැක්මවේ. පාරිභෝගිකයන් හට හොඳ සෞඛ්‍ය තත්ත්වයක් සහ හොඳින් ජීවත් වීමට උදව් කිරීම මෙහි ප්‍රමුඛ අරමුණක් බවට පත් ව ඇත. මිනිසුන්ට තමන් සහ තමන්ගේ පවුල් රැකබලා ගැනීමට නව මාර්ගයන් සොයා දීම සඳහා පර්යේෂණ සහ සංවර්ධන වැඩසටහන් Reckitt Benkiser සමාගම විසින් සිදු කරනු ලබන්නා වූ අතර ඔවුන් ඒ සඳහා ආයෝජනය කරනු ලබයි.

            මෙම සමාගම විසින් වගකීමෙන් යුතුව තිරසාර සංවර්ධනයක් ඇති කිරීම සඳහා ක්‍රියාත්මක වන්නා වූ අතර ඒ සඳහා සමාජීය, පරිසරාත්මක හා මූල්‍යමය වශයෙන් විවිධාකාරයෙන් ක්‍රියාත්මත වීම් දක්වා ඇත.  Reckitt Benkiser සමාගම හැම විටම පාරිභෝගිකයන් සඳහා ඉතා ගුණාත්මක නිශ්පාදනයන් ලබා දීමට උත්සහ කරන්නා වූ ආයතනයකි. Reckitt Benkiser සමාගමේ මූලික වගකීම වන්නේ මිනිසුන්ට හොඳ සෞඛ්‍යමත් ජීවිතයක් ගත කිරීමට උදව් කිරීම ය.  මින්සුන්ගේ ජීවිත ඉතා ඉක්මනින් හා දැඩි උවමනාවන් සහිතව වෙනස් වන්නා වූ අතර, මෙවැනි වූ නව අභියෝග සමඟ ගනු දෙනු කිරීමට උදව් කිරීම සඳහා විසදුම් Reckitt Benkiser ආයතනය විසින් නිරන්තරයෙන් සපයනු ලැබේ. එබැවින් මෙම ආයතනය වෙළඳ පොළක ඉතා ඉක්මනින් වර්ධනය වන ව්‍යාපාරයක් බවට පත් ව ඇත. නවෝත්පාදනයන් තුළින් පාරිභෝගිකයන්ගේ සෞඛ්‍ය ඉහළ නැංවීමට මෙම ආයතනය නිරන්තරයෙන් කටයුතු කරනු ලැබේ.

Reckitt Benkiser සමාගමතුළ පවතින්නා වූ ව්‍යවසායකත්ව සංස්කෘතිය තුළින් අදහස් ධූරාවලියක් සකස් කරනු ලබයි.  මෙමඟින් මොවුන් ඉතා ඉක්මනින් නව සමාජයට ගැළපෙන්නා වූ අදහස් ගොඩනඟා ගනී. මේ නිසාවෙන් මෙම ආයතනයේ සන්නම් ලොව වෙළඳ පොළ ප්‍රමුඛයන් බවට පත් වී ඇත. මෙම ආයතනය ඉතා උසස් මට්ටමේ නායකත්ව කුසලතා හා අත්දැකීම්වලින් යුක්ත කන්ඩායමකගෙන් සංයුක්ත වී ඇත. මෙමඟින් සඵලදියී මිශ්‍රණයක්, ස්ථායීභාවය ස්ථිර කිරීමක්, විශේෂඥ මඟ පෙන් වීමක් සහ විශේෂිත වූ සංස්කෘතිය හොඳින් කළමනාකරණය කිරීමේ හැකියාවක් ඔවුන්ට හිමි වී ඇත. Reckitt Benkiser සමාගම ගෝලීයව ව්‍යාප්ත වී ඇති අතර, එය රටවල් 60ක් පුරා සක්‍රීයව ක්‍රියාත්මකව පවතී. එමෙන්ම මෙම ආයතනයේ නිශ්පාදන ලෝකය පුරා වෙළඳ පොළවල් තුළ විශ්වාසය දිනාගනිමින් ව්‍යාප්තව ඇත.

Argentina                                            Zimbabwe                                                     

Austria                                                Zambia

Australia                                             Venezuela

Bangladesh                                         Venezuela

Belgium

Bosnia & Herzegovina                       Uruguay

Brazil                                                  USA

Bulgaria                                              Ukraine

Canada                                               UK

Chile                                                   UAE

China                                                  Turkey

Colombia                                            Thailand

Costa Rica                                          Taiwan

Croatia                                               Switzerland

Czech Republic                                  Sweden

Denmark                                            Sri Lanka

Egypt                                                  Spain                                     

Finland                                               South Africa

France                                                Slovakia

Germany                                            Singapore

Greece                                                Serbia

Hong Kong                                        Russia

Hungary                                             Romania

India                                                   Portugal

Indonesia                                          

Ireland

Israel

Italy                                                            

Japan

Kenya

Korea

Latin America

Latvia

Malaysia

Mexico

Netherlands

New Zealand

Nigeria

Norway

Pakistan

Philippines                             

Poland

Reckitt Benkiser සමාගම සෞඛ්‍ය සණීපාරක්ෂාව සඳහාම අරමුණු කරගත් බලවත් සන්නාමයන් ලබා සෑම වෙළඳ පොළකම ප්‍රමුඛයන් බවට පත් වී ඇත. අද ලෝකය මුහුණ පා තිබෙන්නා වූ සංකීර්ණ ගෝලීය අභියෝගයන් මෙම ආයතනයන් විසින් අමතනු ලැබේ. සේවකයන්ගේ සහ නිශ්පාදයන් වල වෙනස්කම් කරමින් (බල ශක්ති ඉල්ලුම, අමුද්‍රව්‍ය, වනාන්තර නිර්මාණය, ජලයේ හිඟකම, අමුද්‍රව්‍ය නිර්මාණය, සණිපාරක්ෂාව සහ පාරිභෝගිකයින්ගේ කළ හැකි වෙනස්කම්) ඔවුන් සිදු කරන ලද කාර්යයන්ගේ ස්වභාවයන් ඔවුන් විසින් ම හදුනාගනු ලැබේ. ඒ අනුව වඩා හොඳ අනාගතයක් ඇති කිරීම සදහා මෙම ආයතනයේ නිශ්පාදන නිර්මාණය කිරීමට හා නිශ්පාදන ඉහළ නැංවීමට මොවුන් නිරන්තරයෙන් විවිධ වෙනස්කම් හා අත්හදා බැලීම් සිදු කරනු ලබයි.

සන්නාමයක් යනුවෙන් හදුන්වනු ලබන්නේ භාණ්ඩයක් හෝ සේවාවක් අනෙකුත් භාණ්ඩ හා සේවා සපයන ආයතනවලින් වෙන් කර හදුනා ගැනීම විකුණුම්කරුවන් හෝ විකුණුම්කරුවන් සමූහයක භාණ්ඩ හෝ සේවා හදුනා ගැනීමේ අදහසින් භාවිතා කරනු ලබන නමක්, වචනයක්, සළකුනක්, සංකේතයක් නිර්මාණයක් හෝ මේවායේ එකතුවකි. සමාගමකට සන්නාම නාමයන් එකක් හෝ කීපයක් පැවතිය හැකි ය. Reckitt Benkiser සමාගම තුළ ද බොහෝ සන්නාමයන් හා සේවාවන් ගණනාවක් පවතී. 

Mortein                     1880               French’s

Lysol                          1899               Gaviskon

Dettol                         1932               Harpic

Air Wick                    1943               Woolite

Disprin                       1948

Finish                         1953

Calgon                        1956

Veet                            1969

The New RB              1999

Save the Childern    2003

Cillit Bang                 2005

Nurofen                     2006

Strepsils                     2006

Vanish Bea                2007

Mucinex                     2008

Durex, Scholl            2010

Rokesh K                   2011

S’Chiff Nutrition      2012

K-Y                             2014

Clearastil

ජංගම දුරකථනය හා හුදෙකලා වූ ජීවිත......................

තාක්ෂණයෙහි උපරිම ඵල නෙලා ගනිමින් ජංගම දුරකතනය සියලුම මාධ්‍යයන් අභිබවමින් නූතන විප්ලවීය පෙරලිකාරයා බවට පත්ව ඇත. එදා සන්නිවේදන මෙවලමක් වූ ජංගම දුරකතනය අද ධනවත් බවේ සංකේතයක්, සමාජ තත්ත්වය පෙන්වන්නක් මෙන්ම විලාසිතාවක් බවට පත්ව ඇත. සියල්ල එක් තැන් වූ රස ගුලක්වන් ජංගම දුරකථනයත් සමග නූතන තරුණ පරපුර වල්මත් වී ඇත.

අප ගෙවෙන්නාවූ හැම මොහොතක්ම දුරකතනයත් සමග හුදෙකලා වී ඇත. අද දරුවන් සමඟ දෙමව්පියන්ට කතා කිරීමට කාලයක් නැත. දරුවන් දරුවන්ගේ ලෝක තුලය. මානව සමාජය තුල බැඳීම් දෙදරා ගොස් ඇත.  දවස තුලම දුරකතනය මිරකමින් තනිව සිනාසෙමින් ෆේස් බුක්, ටිවීටර් තුල තම ජීවිතය ගොඩනගා ගැනීමට බොහෝ දෙනෙකු සිහින දකිති. ෆොටෝස් අප්ලෝඞ් කරති. යහලුවන් සොයාගනිති. රැයක් දවාලක් නොබලා චැට් කරති. එයම අවසන තම ජීවිතයෙන් සමු ගැනීමට ද හේතුවක් වෙති.

අද අයෙක් අනතුරකට පත් වූ පසු එම තැනැත්තා බේරා ගැනීමට උත්සාහ නොකර එම අවස්ථාව වීඩියෝ කිරීම හෝ ෆොටෝස් ගැනීමට අමතක නොකරයි.එය මුහුණු පොතට එක් වන්නට යන්නේ ද නිමේෂයකි. මහපාරේ දී බස් රථයේදී ඔවුන් ජීවත් වන්නේ දුරකතනය සමඟින්ය. කෙනෙකු ඇගේ හැපෙන තුරුම තමා ඉන්නේ කුමන ලෝකයේ දැයි පාරේ යන බොහෝ දෙනාට අමතකය. ඉයර්ෆොන් දෙක කනේ ගසා ගනිමින් මුහුණු පොත තුල සැරිසරණ බොහෝ දෙනාට ගවු ගණන් දුර සිටින කෙනෙක් සමඟ සම්බන්ධය ඇති කර ගත්තද තම ආසනයෙහි අනෙක් පස සිටින පුද්ගලයා අමකත වී ඇත. තමාගේ ලග සිටින මිනිසාගේ මුහුණ බලා සිනාසීමට නොහැකි තරම් කුහකයින් පිරිසක් බවට පත්ව ඇත.

වර්තමානයේ බොහෝ රෝගාබාධ ඇති කිරීම සඳහා දුරකතනය ප්‍රධාන හේතුවක් බව සොයාගෙන ඇත. මේ ආකාරයෙන් දිනෙන් දින දියුණු වන දුරකතනය මානව සබඳතා, කාලය, සෞඛ්‍යය හා රටෙහි සංවර්ධනය විනාශ මුඛයට ගෙනයන්නක් බවට පත්ව ඇත. තාක්ෂණය හා බුද්ධිය යන්න වර්තමාන සමාජයට අතවශ්‍ය කරුණු දෙකකි. තාක්ෂණය සමාජයට නැතිව බැරි දෙයක් බව සැබෑ කරුණකි. නමුත් ඒ තුල අතරමං නොවී සිටීමට නම් බුද්ධිය අවශ්‍යය. තාක්ෂණය සමග සිදුකරන්නාවූ ගනුදෙනුවෙහිදී හැඟීමට වඩා බුද්ධියට මුල් තැන දී කටයුතු කළ යුතුය. එසේ නොවුවහොත් තාක්ෂණය තුල  වල්මත්වූවෙකු බවට පත්වනු ඇත.

රාධිකා දිසානායක